Այսօր փետրվարի 19-ն է՝ տարվա 50-րդ օրը: Ինչպես մյուս օրերին, այնպես էլ այսօր, աշխարհում ծնվում են բազմաթիվ երեխաներ, բայց դեռ հարյուրամյակներ առաջ, հենց այս օրը ծնվել են մի քանի հանճարներ: Նրանցից մեկը լեհ աստղագետ, մաթեմատիկոս, տնտեսագետ Նիկոլայ Կոպեռնիկոսն է, ով ծնվել է 1473 թվականի փետրվարի 19-ին:
Իսկ 144 տարի առաջ, փետրվարի 19-ին, Լոռվա Դսեղ գյուղում ծնվել է արդեն հայ հանճարեղ բանաստեղծ, արձակագիր, քաղաքական գործիչ Հովհաննես Թումանյանը: Թումանյանը գրել է բանաստեղծություններ, պոեմներ, քառյակներ, բալլադներ, պատմվածքներ ու հեքիաթներ, ակնարկներ, քննադատական ու հրապարակախոսական հոդվածներ: Նրա գործերը մեծ մասամբ գրված են ռեալիստական ոճով, երբեմն կենտրոնանալով իր ժամանակների ամենօրյա կյանքի վրա: Անգամ Թումանյանի «Անուշ» և «Ալմաստ» պոեմների հիմքի վրա օպերաներ կան գրված: Թումանյանի ստեղծագործությունների հիման վրա նկարահանվել են մի շարք ֆիլմեր, որոնցից ամենահայտնիներից մեկը «Գիքորը» պատմվածքն է:1953 թվականի փետրվարի 19-ին ծնվել է նաև Արգենտինայի նախագահ Քրիստինա Ֆերնանդես դե Քիրշներ:
Post a Comment
Հա՞յ ես, ուրեմն մեկնաբանությունդ գրիր բացառապես ՀԱՅԱՏԱՌ
Շնորհակալություն