Նախազգուշացումը վերաբերում է այն հեռուստադիտողներին, ովքեր ղեկավարում են իրենց Samsung Smart TV-ն ձայնային հրահանգներով:
Այդպիսի հեռուստացույցները «լսում են» ձեր ասածները և հնարավոր է, որ տարածեն տեղեկությունը երրորդ անձանց մոտ:
Գաղտնիության համար պատասխանատու աշխատակիցներն ասում են, որ տեխնոլոգիան նման է Ջորջ Օրուելի «1984»-ի հեռէկրաններին, որոնք լրտեսում էին քաղաքացիներին:
Տվյալների տարածում
Նախազգուշացումը ի հայտ եկավ Daily Beast առցանց ամսագրի նորությունների միջոցով, ուր հրապարակվել է Samsung-ի գաղտնիության վկայագրից մի հատված՝ կապված սմարթ հեռուստացույցների հետ:
Վկայագրում բացատրվում է, որ հեռուստացույցը լսում է նույն սենյակի մարդկանց, որպեսզի «որսա» հրահանգները, որոնք տրվում են ձայնային կառավարման միջոցով: Ասվում է. «Եթե ձեր խոսքերը պարունակում են անձնական տեղեկություններ, այդ տեղեկությունները վերցվում և փոխանցվում են մի երրորդ կողմի»:
Թվային աշխարհի՝ իրավունքների հարցերով զբաղվող Էլեկտրոնային սահմանափակումների հիմնադրամի (EFF) մտավոր սեփականության փաստաբան Քորին Մկ’Շերրին պատմեց Daily Beast-ին, որ երրորդ կողմը, թերևս, ընկերությունն է, որը Samsung-ին տրամադրում է «խոսքը՝ տեքստի» ֆունկցիան:
Ի պատասխան տարածված անհանգստության՝ Samsung-ը հանդես է եկել հայտարարությամբ՝ հստակեցնելու, թե ինչպես է աշխատում ձայնային ճանաչման ֆունկցիան: Նա ընդգծել է, որ ձայնի ճանաչման հնարավորությունը ակտիվացվում է հեռուստացույցի հեռակառավարման վահանակի միջոցով:
Թարգմանությունը` Նարեկ Սահակյանի
Աղբյուրը` www.bbc.com
Post a Comment
Հա՞յ ես, ուրեմն մեկնաբանությունդ գրիր բացառապես ՀԱՅԱՏԱՌ
Շնորհակալություն