Ծնունդը Թումանյան, տոնը՝ գիրք նվիրելու օր

Ծնունդը Թումանյան, տոնը՝ գիրք նվիրելու օր

Թողարկիչ՝ Narek Sahakyan at 10:59:00 PM ✪ No comment yet

Հե՛յ, պարոննե՛ր, ականջ արեք Թափառական աշուղին, Սիրո՛ւն տիկնայք, ջահե՛լ տըղերք, Լա՛վ ուշ դըրեք իմ խաղին։ Մենք ամենքըս հյուր ենք կյանքում Մեր ծնընդյան փուչ օրից, Հերթով գալիս, անց ենք կենում Էս անցավոր աշխարհից։ Անց են կենում սեր ու խընդում, Գեղեցկություն, գանձ ու գահ, Մահը մերն է, մենք մահինը, Մարդու գործն է միշտ անմահ։ Գործն է անմահ, լա՛վ իմացեք, Որ խոսվում է դարեդար, Երնե՜կ նըրան, որ իր գործով Կապրի անվերջ, անդադար։ Չարն էլ է միշտ ապրում անմեռ, Անե՜ծք նըրա չար գործքին, Որդիդ լինի, թե հերն ու մեր, Թե մուրազով սիրած կին։ Ես լավության խոսքն եմ ասում, Որ ժըպտում է մեր սըրտին.



Ո՞վ չի սիրում, թեկուզ դուշման, Լավ արարքը, լավ մարդին։ Է՜յ, լա՛վ կենաք, ակա՛նջ արեք, Մի բան պատմեմ հիմի ձեզ, Խոսքըս, տեսեք, ո՞ւր է գընում, Քաջ որսկանի գյուլլի պես։ Սա Հովհաննես Թումանյանի «Թմկաբերդի առումը» պոեմի նախերգանքն էր: Այսօր պոեմի հեղինակի, այսինքն՝ Հովհաննես Թումանյանի ծննդյան օրն է: Ծնվել է 1869 թվականին, Լոռվա Դսեղ գյուղում: 1877-79 թթ-ին, Թումանյանը սովորել է Դսեղի ծխական դպրոցում։ 1879-1883 սովորում է Ջալալօղլու (այժմ Ստեփանավան) նորաբաց երկսեռ դպրոցում։ 1883 թ-ից բնակվել է Թիֆլիսում։ 1883-87 թթ-ին սովորել է Թիֆլիսի Ներսիսյան դպրոցում, սակայն նյութական ծանր դրության պատճառով 1887թ. ստիպված եղավ թողնել դպրոցը և սկսեց աշխատել Թիֆլիսի հայ եկեղեցական դատարանում, այնուհետև Հայ Հրատարակչական միության գրասենյակում (մինչև 1893 թ)։ Խոսենք նրա գրական կյանքի մասին: Թբիլիսում ստեղծել է «Վերնատուն» գրական խմբակը, որի անդամներ էին նաև հայազգի այլ նշանավոր գրողներ: Թումանյանը իր առաջին պոեմը գրել է 12 տարեկան հասակում, երբ սովորում էր Ջալալօղլու դպրոցում։  Նրա գրչին են պատկանում մեզ քաջ հայտնի հեքիաթներ, պոեմներ, քառյակներ:

 Բայց ի՞նչ են քարոզում նրա հեքիաթները: Նրա գրածներից են «Սուտլիկ որսկանը», «Ձախորդ Փանոսը», «Անբան Հուռին», «Պոչատ աղվեսը», «Խելոքն ու հիմարը», «Սուտասանը», «Անխելք հիմարը», «Տերն ու ծառան» և այլն: Ինչպես նկատեցիք, անգամ վերնագրերից որոշները իրենց մեջ պարունակում են սուտ բառը: Որպես օրինակ ընտրենք «Սուտլիկ որսկանը», որը ամբողջովին ստի, գլուխգովանքի վրա է հիմնված: Իսկ դա պե՞տք է մեզ: Մեզ պե՞տք է դաստիարակել սուտասան, գլուխգովան, «խորամանկ» (ավելի ճիշտ՝ շուստրի) սերունդ: Լավ, Թումանյանի ծննդյան օրով չբողոքենք նրանից:

Այսօր Հայաստանում գիրք նվիրելու օրն է: Իսկ դու գիրք նվիրե՞լ ես ինչ-որ մեկին: Շտապիր նվիրել ու ստանալ նվեր:

Իսլանդիայում կանանց օրն են նշում, Մեքսիկայում՝ զինված ուժերի և այլն: Այսքանը: