-Ես թռիչքի ընթացքում չեմ զգացել ոչ քաղց, ոչ ծարավ, սակայն տրված ծրագրով որոշ ժամանակում և՛ կերել եմ, և՛ խմել` հատուկ համակարգի միջոցով: Ներքևում մեկը մյուսի հետևից անցնում էին պետությունները, և ես նրանց որպես մեկ ամբողջություն էի տեսնում, առանց պետական սահմանների բաժանագծերի:
-Թռիչքի բարձրությունը գնալով նվազում էր: Համոզվելով, որ նավը ապահով հասնում է
Երկիր, ես պատրաստվեցի վայրէջքի,- հետագայում գրել էր ԽՍՀՄ հերոսը: 108 րոպեում պտտվելով երկրագնդի շուրջը` Գագարինը 7 կիլոմետր բարձրության վրա կատապուլտով անջատվել է տիեզերանավից և օդապարիկով վայրէջք կատարել Սարատովի շրջանում: 1966 թվականիցա ստղագնացության և տիեզերական տարածության ուսումնասիրության միջազգային ակադեմիայի պատվավոր անդամ էր։ Գագարինը պարգևատրվել է Լենինի և այլ երկրների բարձրագույն շքանշաններով։ 1968 թ. մարտի 27–ին՝ Ռուսաստանի Վլադիմիրի մարզի Նովոսելովո գյուղի մոտ՝ ուսումնական թռիչքի ժամանակ աշխարհի առաջին տիեզերագնացը զոհվեց։ Ավիավթարի պատճառները մինչ օրս դեռ հստակ չեն։
ԽՍՀՄ ԳԽ-ի 1962 թ. ապրիլի 9-ի հրամանով առաջին տիեզերական թռիչքի օրվա առթիվ ապրիլի 12-ը հայտարարվեց Տիեզերագնացության օր:Հ.Գ. Մարդկանց մոտ կա մի թյուր կարծիք, որ Յուրի Գագարինը 1961թվականին թռչել է դեպի Լուսին, սակայն իրականում դա այդպես չէ: Յուրի Գագարինը 1961 թվականին առաջին անգամ թռչել է տիեզերք և 1 պտույտ կատարել Երկիր մոլորակի շուրջը:
Post a Comment
Հա՞յ ես, ուրեմն մեկնաբանությունդ գրիր բացառապես ՀԱՅԱՏԱՌ
Շնորհակալություն