Նարեկ Սահակյանի բլոգ

Մի մարդ քրտնաջան աշխատում էր՝ օրվա հացի փողը վաստակելու համար: Մի տարի, Սուրբ Ծննդից մի քանի օր առաջ նա պատժեց իր հնգամյա դստերը ՝ տեսնելով, որ աղջնակն օգտագործել է իրենց ընտանիքում եղած ոսկեգույն փաթեթավորման թղթի միակ փաթեթը:

Ընթերցելով Խորխե Լուիս Բորխեսի «Պարացելսի վարդը»

Պարացելսը մոգ էր, ու նա գիտեր այդ մասին: Աշակերտը իրականում աշակերտ չէր, այլ` մի մարդ, ով ցանկանում էր ստուգել Պարացելսի կարողությունները: Պարացելսը, ըստ իս, ճիշտ վարվեց, որովհետև եթե նա վստահ է իր ընդունակություններին, ապա ապացուցելու ոչինչ չունի: Ես էլ այդպես կվարվեի, ճիշտ է, մոգ չեմ, բայց ինչպես բոլորը, ես էլ ունեմ որոշ կարողություններ, որոնք միգուցե զարմանալի են ոմանց համար, իսկ այդ ոմանք երբեմն ցանկանում են ստուգել ինձ, սակայն ես հաստատ նրանց չեմ ապացուցի որևէ բան, քանի որ հավատալ կամ չհավատալը միայն ու միայն նրանց խնդիրն է:

Հարուկի Մուրակամին քիչ թե շատ եղել է Մարկեսի ժամանակակիցը և միգուցե դա է պատճառը, որ նրա ու Մարկեսի ստեղծագործությունների ասելիքները գրեթե նույնն են:

Դեկտեմբերի 25-ին մենք դարձանք 3 տարեկան կամ, որ նույնն է՝ 1096 օրական: Շնորհավոր:
Ամփոփե՞նք տարին:
Մի փոքր պասիվ տարի էր բլոգում, սակայն գործնականում ճիշտ հակառակն էր՝ միշտ ակտիվ ու բուռն:
Ունենք 146 հրապարակում, իսկ սա 147-րդն է: Մեկ տարվա ընթացքում հրապարակվել են մի քանի կարծիքներ, սակայն ցանկանում եմ, որ կարծիքներ հաճախ թողնեք, որպեսզի իմանամ ձեր մտահոգությունների մասին:
Ունենք 24207 այցելու, ինչը կարծես, թե քիչ չէ:
Ամփոփելու շատ բան չկա, եթե  ունեք դժգոհություններ, ապա գրեք, կիսվեք. ձեր կարծիքը շատ կարևոր է:

Ինչու է երեխաների մի մասը պայքարում՝ հասնելու իր ուզածին, իսկ մյուս մասը հանձնվում

Այսօր նոյեմբերի 11-ն է՝ տարվա 315-րդ օրը: Այսօրը լի է «հանրահայտ» ծնունդներով, տոներով:
Աշխարհը այսօր նշում է էներգախնայողության օրը: 2008 թվականին SPARE-ի նախաձեռնությամբ, նոյեմբերի 11-ը հայտարարվեց էներգախնայողության միջազգային օր:

Հոկտեմբերի 30-ից նոյեմբերի 2-ը Զիկատար բնապահպանական կենտրոնում կազմակերպվեց բնապահպանական ճամբար-սեմինար, որի նպատակը Էկոտուր 2015-ի նախագծերի մշակումը, Էկոտուրի տարածումն ու նոր համագործակցությունների սկիզբը դնելն էր: Իրականացրեցինք նաև նախագիծ` 《Մեկ օր WWF-ի հետ》: Ճամբարին մասնակցում էին կրթահամալիրի էկո ակումբի ու վրացախոսների ակումբի մի խումբ սովորողներ, Գավառի, Բազմաղբյուրի, Թբիլիսիի համար 98-րդ, համար 24-րդ և համար 2-րդ դպրոցի մի խումբ սովորողներ ու ուսուցիչներ:

Ճամբարի ժամանակ մի քանի սեմինարներ արեցինք, որոնց ընթացքում մեր նոր գործընկեր դպրոցներին ծանոթացրեցինք Էկոտուրին և ներկայացրեցինք մասնակցության կարգը, Էկոտուրի կայքը, թե ինչպես են հայտը լրացնում, ժամանակացույցը և այլն: Թբիլիսիի 24-րդ դպրոցը նոյեմբերի 23-ին մեզ հրավիրեց Թբիլիսի` միասին տոնելու Սուրբ Գեորգոբայի տոնը:

Արդեն երկու տարի է, ինչ մարտ ամսին Էկո ակումբը  Թբիլիսիի 98 դպրոցի հետ համատեղ անց է կացնոմ էկոդաս բնապահպանական տարբեր խնդիրների մասին: Քննարկեցինք նոր համագործակցության նախագիծը` այս անգամ թեման անտառներն են,որի շուրջ կատարելու ենք հետազոտական, համեմատական աշխատաքներ: Պատրաստվում ենք այցելել ՀՀ տարբեր դպրոցներ, պարզել, թե ինչքան թուղթ են օգտագործում տարեկան և համեմատականներ անցկացնենք մեր` որպես էկոդպրոցի, և մյուս դպրոցների միջև:
Այս ճամբարի արդյունքում ընդլայնվեց Էկոտուրի աշխարհագրությունը և ձեռք բերեցինք նոր գործընկեր դպրոցներ:

Ինչ է երջանկությունը, եթե ոչ հասարակ հարմոնիան մարդու և իր վարած կյանքի միջև.
Այսպես էր ասում ազգությամբ ֆրանսիացի գրող Ալբեր Քամյուն: Եթե նրա խոսքերը ճիշտ համարենք, ապա շնորհավորեք ինձ. ես երջանիկ եմ: Երբ մարդու բանականությունը կռվում է զգացմունքների դեմ, նշանակում է, որ մարդը անհավասարակշռված է և ունակ չէ կարգավորելու իր զգացմունքները, բանականությունը և այլն: Չեմ ուզում այդ մարդկանց թույլ համարել, որովհետև թուլությունը, թուլամորթությունը շատ ավելի լուրջ թերություններ են, քան հոգևոր անհավասարակշռությունը:

Սոցցանցերում հաճախ ենք հանդիպում նկարների, որոնց պարունակությունը այսպիսի մի բան է` սիրտը ոչնչացնում է ուղեղին և գնում ու անում իր ուզածը: Համենայնդեպս, իմ դեպքում, չի գործում շատերի համար աքսիոմ հանդիսացող այդ միտքը: Իմ սիրտն ու ուղեղը բավականին ներդաշնակ են և երբեք կարիք չի լինում այդ երկուսից որևէ մեկին չեզոքացնել, որպեսզի անեմ այն, ինչ ուզում եմ: Միգուցե գա ժամանակ, երբ հարկ լինի հետևել կամ բանականությանը, կամ զգացմունքներին, բայց հիմա դեռևս հարկ չկա այդպիսի դժվար ընտրություն անելու:
Սկսեցի աֆորիզմով, ավարտեմ աֆորիզմով, միայն այս անգամ հեղինակը Մահաթմա Գանդին է:

Երջանկությունը երբ ներդաշնակ են այն, ինչ մտածում և այն, ինչ անում ես:

Ձախից՝ աջ. Ռոմանոս Մելիքյան, Ավետիք Իսահակյան, Մարտիրոս Սարյան

Ռոմանոս Մելիքյանը ծնվել է Դաղաստանում (Ռուսական կայսրություն), 1883 թվականին: Եղել է հայ նշանավոր երգահան, երաժշտագետ, մանկավարժ, խմբավար: Համարվում է հայկական ռոմանսի հիմնադիրը, հեղինակ է բազմաթիվ ռոմանսների, որոնցից առավել հայտնի են «Աշնան տողեր», «Զմրուխտի», «Զառ-զառ», «Նոր օրերի երգեր» վոկալ շարքը։ Հիմա դուք ունկնդրում եք Հովհաննես Թումանյանի «Վարդը» բանաստեղծության հիման վրա համանուն երգը, որի երաժշտությունը Ռոմանոս Մելիքյանինն է:

Կոմիտասը կամ Սողոմոն Գևորգի Սողոմոնյանը ծնվել է 1869 թվականին, Քյոթահիայում, երաժշտասեր մի ընտանիքում, ուր խոսում էին միայն թուրքերեն։ Նա մեկ տարեկանում զրկվում է մորից, իսկ տաս տարեկանում կորցնում է հորը։ Ապրում է իր տատի հետ մինչև 1881 թվականը, երբ իրենց հայկական թեմի առաջնորդը գնում է Էջմիածին եպիսկոպոս օծվելու համար։ Կաթողիկոսն առաջնորդին պատվիրում է, որ նա իր հետ մեկ որբ երեխա բերի՝ Էջմիածնի վանքում կրթություն ստանալու համար։ Նա գնում է Էջմիածին և այնտեղ իր զարմանահրաշ երգով մեծ տպավորություն է թողնում կաթողիկոսի վրա։
Առաջարկում եմ դիտել Կոմիտասի մասին պատմող հետաքրքիր, նկարաշար տեսանյութը:


Նաև առաջարկում եմ ընթերցել մի հետաքրքիր ու ուշագրավ հոդված, որում կասկածի տակ է առնվում այն փաստը, թե Կոմիտասը տառապել է հոգեկան խնդիրներով ու այդ իսկ պատճառով տեղափոխվել հոգեբուժարան:
 Կարդացեք այստեղ:

Վերջերս երկրորդ անգամ կարդացի Ջորջ Օրուելի «Անասնաֆերմա»-ն: Առաջին անգամ կարդացի ընդամենը տաս-տասնհինգ էջ. այն հեքիաթի էր նման և որոշեցի չշարունակել: Սակայն որոշ ժամանակ անց որոշեցի ամբողջովին կարդալ և այս անգամ կարդալիս «քաղաքականորեն» էի մոտենում դեպքերին:

Էկոլոգիան ու տնտեսագիտությունը. արդյո՞ք այս երկու գիտությունները հակասում են մեկմեկու

Այսօր Մհեր Մկրտչյանը կդառնար 84 տարեկան, այսինքն՝ ծնվել է 1930 թվականին, Գյումրիում, մշեցու ու վանեցու ընտանիքում:

Եղել է նշանավոր հայ դերասան, ԽՍՀՄ ժող. արտիստ, կինոյի և թատրնի մեծ կատակերգու: Ինձ համար նա ավելին քան դերասան է: 

«Միգուցե կա գազան... միգուցե այն միայն մենք ենք» Ուիլյամ Գոլդինգ:

Վիլյամ Գոլդինգը իր «Ճանճերի տերը» գիրքը գրել է 1954 թվականին: Բավականին աղմկահարույց գիրք է, քանի որ լույս տեսնելուց հետո շատերի կողմից քննադատվել է. ի սկզբանե, գրքի սկզբում նկարագրված է եղել միջուկային պատերազմի սարսափելի տեսարաններ, սակայն «Faber & Faber» հրատարակչությունը համաձայնվել է տպագրել գիրքը միայն այն դեպքում, որ Գոլդինգը կհանի առաջին էջերում նկարագրված տեսարանները:
Հայերեն թարգմանել է Արտաշես Էմինը, ում շնորհակալ եմ հիանալի թարգմանության համար: Գիրքն, ըստ իս, ամբողջությամբ քաղաքական գաղափարներ է իր մեջ պարունակվում: Խոսվում է մարդկային երկու, ավելի ճիշտ՝ երեք տեսակների մասին: Մեկը վաղվա լավ լինելու և փրկության մասին մտածող տեսակն է, երկրորդը միայն այսօրվա մասին ու ուտելու համար ծնված տեսակն է: Երկրորդ տեսակն ամենավատն է, այն է՝ փոփոխական, դավաճան, դաժան ու գազան: Մեկ-մեկ կարծում էի, թե Գոլդինգը այն գրել է հայերի համար, քանի որ մեր հայ հասարակության մեջ էլ կան այդ երեք տեսակները, ու վատն այն է, որ ամենաշատ հանդիպողը երրորդ տեսակն է:
Գրքում շատ պարզ նկարագրված է մարդկային դաժանության, գազանության աստիճանը, թե ինչ կարող է մարդն անել մյուս մարդու, ու անգամ անմեղ կենդանու հետ: Այդ գազանը կա մեզնից յուրաքանչյուրի մեջ, որը արթնանում է, երբ տրորում են մեր ոտքը: Բնականաբար, գրքում նկարագրված տեսարանները չափազանցված են, բայց, այնուամենայնիվ, համապատասխանում են իրականությանը:

Որպես Էկո-հայրենագիտական ակումբի անդամ, վեպին նայում էի նաև էկոաչքով: Կղզում կյանքն ընթանում էր իր բնական հունով, կենդանիները խաղաղ ապրում էին իրենց համար, բայց երբ մարդը ոտք դրեց կղզի, ամեն ինչ 180 աստիճանով շրջվեց: Վարազներին սկսեցին որսալ, անփութության պատճառով սկզբում կղզու մի մասը, իսկ վերջում ամբողջ կղզին այրվեց:
Երկար եմ մտածել, թե ինչու է գրքի վերնագիրը «Ճանճերի տերը» ու երևի թե հասկացել եմ: Քանի որ ճանճերի տերը մի հատվածում փայտի ձողի վրա բարձրացված խոզի գլուխն էր, իսկ այն շատ արագ հոտում է, կողքին ճանճեր են հավաքվում, խոզի գլուխը դառնում է այդ ճանճերի տերը, որովհետև այդ ճանճերը համախմբված են նրա շուրջը: Շատ հասարակ մեկնաբանեցի, բայց կարծում եմ, որ Գոլդինգը իր վեպը գրել է և վերջում համապատասխան վերնագիր չի գտել ու հենց խոզի գլխի պատճառով դրել է «Ճանճերի տերը»:

Այսօր աշխարհահռչակ հայ շանսոնիե, երգիչ, երգահան, կինոդերասան ու հասարակական գործիչ Շառլ Ազնավուրի ծնունդն է: Լրացավ ֆրանսահայ շանսոնիեյի 90-րդ ամյակը:
Ծնվել է 1924 թվականի մայիսի 22-ին, Ֆրանսիայում, հայ գաղթականներ Միշա և Քնար Ազնավուրյանների ընտանիքում, ծննդյան անունը՝ Շահնուր Վաղինակ Ազնավուրյան:

Ամբողջ աշխարհն այսօր նշում է անգլերենի ու գրքի տոնը: Սկսեմ անգլերենից:
Վիլյամ Շեքսպիրը ծնվել է 1564 թվականին, Ստրեդֆորդ քաղաքում: Սովորել է տեղի դպրոցում, 18 տարեկանում ամուսնացել է: Նա չի ունեցել համալսարանական կրթություն, սակայն տիրապետում էր մի քանի լեզուների, ծանոթ էր արտասահմանյան գրողներին և այլն, ու այդ ամենը նա սովորել էր ինքնակրթության միջոցով: Նա հեղինակն է հայտի «Օթելլո», «Համլետ», «Ռոմեո և Ջուլիետ» ողբերգությունների, բազմաթիվ կատակերգությունների ու սոնետների:
Իսկ ինչո՞ւ էի խոսում Շեքսպիրի մասին: Անգլերենի միջոզգային օրը ծագել է Շեքսպիրի ծննդյան օրվանից: Անգլերենի օրը սկսվել է նշվել 2010 թվականից:

Նինա Սիմոն. մի մարդ, ում երգերը ուղղակի ցանկանում ես անընդհատ լսել: Այսօր նրա ծնունդն է: Շնորհավո՜ր:

1885 թվականի փետրվարի 9-ին է ծնվել նշանավոր հայ բանաստեղծ, քնարերգու և հասարակական-քաղաքական գործիչ Վահան Սուքիասի Տեր-Գրիգորյանը, նույն ինքը՝ Վահան Տերյանը:

Բարև բոլորին, հատկապես՝ սեբաստացիներին: Փետրվարի 7-ը տարվա 38-րդ օրն է: Իսկ 1676 թվականի փետրվարի 7-ին ծնվել է այն մարդը, ում անունով է կոչվում մեր շատ սիրելի կրթահամալիրը: Դե իհարկե, այսօր Մխիթար Սեբաստացու ծննդյան օրն է: Եղել է հայ կաթոլիկ եկեղեցական գործիչ, հայագետ, Մխիթարյան միաբանության հիմնադիրը։ Ծնվել է Սեբաստիայում: Իրական անունն էր Մանուկ:

Փետրվարի 5-ին, Արմենիա Մարիոթ հյուրանոցի ՏԻգրան Մեծ դահլիճում տեղի ունեցավ հայկական առաջին պլանշետի՝ ԱրմԹաբի ցուցադրությունը, պաշտոնական ներկայացումը: Բայց չէ՞ որ պլանշետների պահեստամասերը ներկրվում են արտերկրից, ապա ինչում է կայանում պլանշետի հայկական լինելը: Այդ հարցին պատասխանեց Technology and Science Dynamics Inc/Armtab Technologies կորպորացիայի հիմնադիր Վահան Չակարյանը: Ըստ նրա, պլանշետի հայկական լինելը կայանում է նրանում, որ ծրագրային ապահովումը իրականացվում է Հայաստանում, պլանշետն աշխատում է հայկական օպերացիոն համակարգերից «Արաքս»-ով կամ «Ոստան»-ով:
«Այս ծրագրի նպատակն է 1700 դպրոցների առաջին դասարանցիներին ապահովել հայկական արտադրության պլանշետներով»,- ասաց ՀՀ վարչապետը։ ՀՀ դպրոցներում «ԱրմԹաբ» պլանշետները կներդրվեն 2015թ.։
Ցուցադրությանը ներկա էին նախարարներ, որոնք նույնպես ելույթ ունեցան, խոսեցին պլանշետների արտադրության մասին:

Մարտական, հաղթական ասում եմ «Ողջո՛ւյն»: Այսօր հունվարի 28-ն է՝ Հայաստանի Զինված ուժերի 22-րդ ամյակը Հայկական բանակը կազմավորվել է 1992 թվականի հունվարի 28-ին: ՀՀ զինված ուժերում զորակոչը նախատեսված է 18-ից 27 տարեկան արական սեռի ներկայացուցիչների համար՝ 2 տարի ժամկետով, որը կարգավորվում է ՀՀ զինապարտության մասին օրենքով։ Զորակոչն ու զորացրումը իրականացվում է տարին երկու անգամ՝ ամռանը և ձմռանը։

Բարև, ողջույն, բարի աջողուն, բարի լույս, բարի երեկո կամ միգուցե բարի գիշեր, թերևս քեզ կարող եմ ողջունել այս ձևերից որևէ մեկով: Հունվարի 27-ը ոմանց համար սովորական, ոմանց համար լավ, ոմանց համար էլ հատկանշական օր է: Բայց հաստատ կարող եմ ասել, որ տարիներ առաջ Դոջսոնների, Լեոպոլդ Մոցարտի, Բաղդասարյանների, Ղարիբյանների, Մանսուրյանների և շատ ու շատ այլ մարդկանց ընտանիքներում ուրախություն էր տիրում՝ որդի էին ունեցել:

Այսօր արդեն հունվարի 22-ն է: Այս տարվա ավարտին մնում է 343 օր:
Առնո Բաբաջանյան, Ֆրենսիս Բեկոն, Ջորջ Բայրոն: Այս մարդկանց միավորում է մի բան՝ նրանք բոլորն էլ ծնվել են հունվարի 22-ին, բայց՝ տարբեր թվականների: